Նոյեմբերի 9-ի կապիտուլյացիոն ակտի ստորագրումից հետո իշխանությանը հարող շրջանակները պարբերաբար հակառուսական քարոզչական տարատեսակ թեզեր են շրջանառում:
Նման գործելաոճ է որդեգրել նաև հակառուսական կեցվածքով հայտնի «Lragir.am» կայքը: Մասնավորապես, մարտին 20-ին կայքում հրապարակվել է «Ռուս «խաղաղապահների» աչքի առաջ ոչնչացվեց եւս մեկ հայկական եկեղեցի. Հայաստանը շտապ պետք է դիմի ՄԱԿ-ին» վերտառությամբ հոդված:
Բացի այդ, վերջին շրջանում «Lragir.am»-ը տարածում է նմանատիպ այլ քարոզչական հոդվածներ, ինչպես, օրինակ, «Ռուսաստանը ձգում է օղակը Հայաստանի շուրջ՝ ատոմակայան, գազ, ՆԱՏՕ-ի զորավարժություններ», «Ով է կանգնած Հայաստանի ու Արցախի միջեւ», «ԱՄՆ «նոր արբիտրաժի» հնարավորությունը նյարդայնացնում է Մոսկվային ու Անկարային», «Մոսկվան կեղտոտ գործը կրկին հայերի ձեռքով արեց» վերտառությամբ հոդվածները:
Այս ամենն արվում է պատերազմում կրած պարտությունը ռուսական կողմին ինչ-որ կերպ վերագրելու ու հասարակության շրջանում հակառուսական մթնոլորտ ստեղծելու համար:
Ո՞ւմ է ձեռնտու հայ-ռուսական հարաբերությունների վատթարացումն առհասարակ և առավելապես` հետպատերազմյան օրերին` պարզից էլ պարզ է:
Հեղինակ՝ Մարի Ամիրջանյան
Աղբյուր՝ AntiFake.am