Մեծ Բրիտանիայում 18-29 տարեկան անձանց խորհուրդ են տալիս օգտվել այլընտրանքային պատվաստանյութից` «AstraZeneca»-ի փոխարեն

article-image

Մեծ Բրիտանիայի պատվաստումների և իմունիզացիայի համատեղ հանձնաժողովը (Britain’s Joint Committee on Vaccination and Immunisation) խորհուրդ է տալիս 30 տարիքից ցածր չափահաս քաղաքացիներին «AstraZeneca»-ին այլընտրանքի դեպքում ընտրել այլընտրանքային պատվաստանյութը:

«18-29 տարեկան չափահաս անձանց, որոնք չունեն այնպիսի առողջական վիճակ, որը կորոնավիրուսային հիվանդության պատճառով նրանց առավել մեծ ռիսկի կենթարկի, պետք է առաջարկվի այլընտրանքային պատվաստանյութ` «AstraZeneca»-ի փոխարեն, եթե նման պատվաստանյութ հասանելի է»,- այսօր այս մասին հայտարարել է հանձնաժողովի նախագահը:

Այս եզրակացությանը կառույցը հանգել է այն բանից հետո, երբ մինչև մարտի 30-ը արված ավելի քան 20 միլիոն դեղաչափի օգտագործման արդյունքում արձանագրված թրոմբոզի 79 դեպք էր արձանագրվել:

«Մեր ուսումնասիրությունը հանգել է նրան, որ չնայած մեծ հավանականությանը` ավելի մեծածավալ աշխատանք է պետք ապացուցելու, որ պատվաստանյութի օգտագործումը կողմնակի ազդեցությունների է հանգեցնում»,- ասել է Մեծ Բրիտանիայի դեղամիջոցների և առողջապահական արտադրանքների ոլորտը կարգավորող գործակալության գործադիր տնօրենը:

Ավելի վաղ հայտնի էր դարձել, որ Օքսֆորդի համալսարանը, որը «AstraZeneca» պատվաստանյութի համահեղինակն է, հայտարարել է, որ կասեցրել է կորոնավիրուսի դեմ պատվաստանյութի (որը մշակվել է «AstraZeneca»-ի հետ) փորձարկումները երեխաների և դեռահասների վրա:

Եվրամիության համապատասխան կարգավորիչ մարմինն էլ այսօր հաստատել է «AstraZeneca»-ի և հազվադեպ հանդիպող թրոմբոզի երկու տեսակների միջև «հնարավոր կապը»:

 

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն