Վարչապետի աշխատակազմը հերթական անգամ պաշտոնեական անփութություն է դրսևորել։ Հայաստանի Հանրապետության կառավարության պաշտոնական յութուբյան ալիքում մեկ տեսանյութով հրապարակվել է Փաշինյան-Պուտին հանդիպման չմոնտաժված տարբերակը։ Տեսանյութում երկրորդ և երրորդ տեսախցիկների կադրերն են, որոնցում ՌԴ նախագահն ու Հայաստանի վարչապետը ընդգրկված են միջին «պլանով» և կիսատ են երևում։ Ընդ որում` հանդիպման տեսաձայնագրությունը կրկնվում է երկու անգամ, ինչի արդյունքում շուրջ 9 րոպեանոց հանդիպման տեսանյութի տևողությունը դարձել է 18 րոպե 57 վայրկյան:
Տեսանյութը յութուբյան ալիքում մնացել է շուրջ 2 ժամ, ապա` հեռացվել։ Փոխարենը արդեն իսկ ներբեռնվել է նորը՝ մոնտաժված և 9 րոպե 31 վայրկյան տևողությամբ։
Այսպիսի գործելաոճը նորություն չէ վարչապետի աշխատակազմում։ «Անփութությունը՝ անփութության հետևից» աշխատելաոճը այս կառավարությանն ուղեկցող անբաժանելի մասն է, իսկ պետության մասշտաբով խայտառակությունները՝ 3-րդ աշխարհի պետություններին բնորոշ սովորական երևույթ, մի բան, ինչը նախկինում բացառվում էր։
Աղբյուր՝ AntiFake.am