«Ձեր որդիներին դիահերձարաններում փնտրեք». Փաշինյանը՝ գերիների և անհետ կորածների հարազատներին

article-image

Այսօր՝ ապրիլի 12-ին, գերիների և անհետ կորածների հարազատները բողոքի ակցիա են իրականացրել Կառավարության շենքի դիմաց։ Նրանք հանդիպում են պահանջել հենց վարչապետի աթոռը զբաղեցնող Նիկոլ Փաշինյանի հետ։

Ավելի ուշ Փաշինյանն ընդունել է գերիների ու անհետ կորածների հարազատներին և այնպիսի հայտարարություններ է արել, որոնք վրդովվեցրել են ամիսներով իրենց զավակների մասին որևէ լուր ստանալու հույսով սպասող ծնողներին։

AntiFake.am-ին մանրամասներ են հայտնի դարձել հանդիպումից։ Հանդիպմանը ներկա անհետ կորածներից մեկի հարազատի փոխանցմամբ՝ Փաշինյանն իրենց ասել է, որ իրենք իրենց հարազատներին պետք է դիահերձարաններում փնտրեն։

Անհետ կորած զինծառայող Համլետի մայրը՝ տիկին Ծովինարը, մեզ հետ զրույցում ասաց, որ որդու հետ վերջին անգամ խոսել են հոկտեմբերի 6-ին։ Դրանից հետո որևէ տեղեկություն չունեն։ «Ասում են` զոհվել է, բայց մարմինը չկա»,- նշեց տիկին Ծովինարը։

Նա փոխանցեց, որ նոր է դուրս եկել Փաշինյանի հետ հանդիպումից, իսկ մյուս հարազատները հրաժարվում են դուրս գալ՝ որևէ լուծում պահանջելով։ «Իրավիճակը ներսում լարված է»,- նշեց տիկին Ծովինարը։ Նրա փոխանցմամբ՝ Կառավարության շենքում են նաև Առողջապահության նախարարը և Քննչական կոմիտեի ղեկավարը։

AntiFake.am-ին հայտնի դարձավ նաև, որ անհետ կորածների և գերիների հարազատները որոշել են այսօր մնալ Կառավարության շենքում այնքան ժամանակ, մինչև իրենց հստակ լուծումներ կառաջարկեն անհետ կորածների և գերիների հարցը հանգուցալուծելու համար։

 

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն