Վարչապետի պաշտոնական կայքից տեղեկանում ենք, որ Արշակ Կարապետյանն այսօրվանից իրավունքի ուժով համարվում է ՀՀ ԶՈՒ գլխավոր շտաբի պետի առաջին տեղակալը:
Արշակ Կարապետյանի նշանակումն այդ պաշտոնին միանշանակ չի ընկալվել հասարակության կողմից: Դա պայմանավորված է այն հանգամանքով, որ ըստ որոշ տեղեկությունների ՀՀ երրորդ նախագահ Սերժ Սարգսյանը Արշակ Կարապետյանին Ապիլյան պատերազմից հետո պաշտոնանկ էր արել պատերազմի ժամանակ հետախուզության կողմից թույլ տրված խոշորագույն բացթողումների պատճառով:
Ըստ մամուլի՝ Կարապետյանը ադրբեջանական ԶՈՒ-ի հարձակման մասին ժամանակին չի տեղեկացրել և պատճառ է դարձել հայկական կողմի մեծաքանակ զոհերի:
Հիշեցնենք, որ Արշակ Կարապետյանը նախկինում զբաղեցնում էր Փաշինյանի խորհրդականի պաշտոնը:
Հավելենք նաև, որ մինչ այս պահը Ապրիլյան քառօրյայի իրադարձություններն ուսումնասիրող քննիչ հանձնաժողովը չի հրապարակել հանձնաժողովի գործունեությունն ամփոփող զեկույցը և վերջնական եզրակացության բացակայության դեպքում անհայտ է մնում Արշակ Կարապետյանի և մյուս պատասխանատուների՝ Ապրիլյանից հետո պաշտոնանկ արված այլ զինվորականների մեղավորության կամ անմեղության չափը:
Հեղինակ՝ Մարի Ամիրջանյան
Կարդացե՛ք նաև՝
Աղբյուր՝ AntiFake.am