Մարտի 14-ին բրիտանական խորհրդարանը ձայների մեծամասնությամբ որոշեց հետաձգել Եվրամիությունից Մեծ Բրիտանիայի դուրս գալը: Սա նշանակում է, որ հնարավոր է, որ Մեծ Բրիտանիան չլքի ԵՄ-ն մարտի 29-ին, ինչպես նախօրոք պլանավորված էր: Այսպիսով, Մեյը մարտի 21-ին կայանալիք ԵՄ գագաթնաժողովի ժամանակ կդիմի Եվրամիությանը՝ Brexit-ը հետաձգելու խնդրանքով:
Վարչապետը կարծում է, որ Brexit-ը կարող է հետաձգվել 3 ամսով՝ մինչև հունիսի 30-ը, եթե հաջորդ շաբաթ խորհրդարանը քվեարկությամբ օժանդակի իրեն: Հակառակ դեպքում՝ Մեյը ստիպված կլինի ցանկացած հետաձգում համաձայնեցնել ԵՄ անդամ բոլոր 27 պետությունների հետ:
Մարտի 13-ին Մեծ Բրիտանիայի խորհրդարանը քննարկել էր Թերեզա Մեյի առաջ քաշած գործարքի նախագիծը: Նախագծին կողմ էր քվեարկել 242, դեմ՝ 391 պատգամավոր: Սա երկրորդ նախագիծն էր. առաջինը մերժվել էր սույն թվականի հունվարին: