Վենետիկի հանձնաժողովի նախագահ Ջիանի Բուքիքիոն հայտարարություն է տարածել, որում ասվում է.
Եվրոպայի խորհուրդ, Ստրասբուրգ - «Իմ` 2019թ. հոկտեմբերի 29-ի հայտարարությունից հետո ես շարունակում եմ մտահոգվել Հայաստանի Սահմանադրական դատարանի շուրջ տեղի ունեցող բաց հակամարտության շուրջ: Ես կիսում եմ այս հարցով ԵԽԽՎ Հայաստանի մոնիթորինգի համազեկուցողների մտահոգությունները»:
Ես ցանկանում եմ վկայակոչել այն առաջարկությունները, որոնք արվել են 2019 թվականի հոկտեմբերին Վենետիկի հանձնաժողովի կողմից տրամադրված կարծիքում այն մասով, որ Սահմանադրական դատարանում վաղ կենսաթոշակային համակարգին անցումը պետք է մնա իսկապես կամավոր հիմունքներով, բացառի ցանկացած անպատեհ քաղաքական կամ անձնական ճնշում դատավորների վրա և պետք է նախատեսվի այնպես, որ ազդեցություն չունենա քննվող գործերի արդյունքների վրա:
Վերջին հայտարարությունները և գործողությունները չեն համապատասխանում այս սկզբունքներին և միտված չեն ստեղծված իրավիճակի լարվածության նվազմանը:
Ժողովրդավարական մշակույթը և հասունությունը պահանջում են ինստիտուցիոնալ զսպվածություն, բարեխղճություն և փոխադարձ հարգանքի պետական ինստիտուտների միջև:
Ես կրկին կոչ եմ անում բոլոր կողմերին զսպվածություն ցուցաբերել և թուլացնել այս մտահոգող իրավիճակային լարվածությունը` Հայաստանում ապահովելով Սահմանադրության բնականոն կենսագործունեությունը»:
Ջ. Բուքիքիո,
Վենետիկի հանձնաժողովի նախագահ
► ԵԽԽՎ Հայաստանի մշտադիտարկողները իրենց մտահոգությունն են հայտնում պետական ինստիտուտների միջև լարվածության բարձր մակարդակի վերաբերյալ
Հայտարարության անգլերեն տարբերակը: