ԱՄՆ Սենատն ընդունել է Մեքսիկայի հետ սահմանին արտակարգ դրության ռեժիմը չեղարկելու վերաբերյալ բանաձևը: Այդ մասին հայտնում է CNN-ը: Աղբյուրի փոխանցմամբ` փաստաթղթին կողմ է քվեարկել 59, դեմ` 41 սենատոր: Բանաձևի ընդունումը հնարավոր է դարձել միայն հանրապետականների աջակցության շնորհիվ, որոնք Սենատում ունեն 52 ձայն:
Ավելի վաղ, արտակարգ դրության չեղարկման վերաբերյալ բանաձևն ընդունել էր Ներկայացուցիչների պալատը, որտեղ մեծամասնությունը դեմոկրատներն են:
Փաստաթուղթը կդրվի ԱՄՆ նախագահ Դոնալդ Թրամփի սեղանին, որը խոստացել է վետո դնել դրա վրա:
ԱՄՆ նախագահն արդեն արձագանքել է Սենատի որոշմանը: «Վետո»- ասել է Թրամփը: