Ռոբերտ Աբաջյանի ֆեյք պապով հայտնի դարձածն ու Սյունյաց ոճով հղված «ողջույնները»

article-image

2018 թվականից վարչապետի աշխատակազմը ղեկավարող Էդուարդ Աղաջանյանը, որը վերջերս է ազատվել զբաղեցրած պաշտոնից, որոշել է «աքլորանալ»` պաշտպանելով Նիկոլ Փաշինյանին: 

Աղաջանյանին դուր չեն եկել «Սյունյաց արշավանքի» ընթացքում Փաշինյանի հասցեին հնչած հայհոյանքներն ու Գլխավոր դատախազության դիմաց հնչած «ողջույնների» տարափը:

Աղաջանյանի ներկայացմամբ` հայկական իրականության մեջ առանձնահատուկ վիրավորական բնույթ կրող հայհոյանքների գործածումից բխող ռիսկերն ու հետևանքները օրենսդրական կարգավորում չունեն: Հետևաբար, քանի խնդիրը օրենսդրական լուծում չի ստացել, վերջինս Փաշինյանին ու նրա «միլիոնավոր» կողմնակիցներին հայհողողներին իր կողմից նույն հայհոյանքների «տասնապատիկն» է հղել: Վերջում էլ թե` «Պատասխան տալու եք»:
 


 

Գրառման մեկնաբանություններում Էդուարդ Աղաջանյանը առաջարկել է իրեն անձնական նամակով ուղարկել իրենց «ասելիքը». կարճ ասած` «ռազբիրատի» է կանչել:
 

Նկատենք, որ հայհոյանքն ու փողոցային բառապաշարը հասարակական-քաղաքական դիսկուրս է բերվել Փաշինյանի, նրա թիմակիցների ու նրանց «միլիոնավոր» աջակիցների կողմից. Ֆեյսբուքում ի աջակցություն «փրկչի» սեռական բնույթի հայհոյանքեր գրող տարեց կանայք` «վկա»:

Երբ Հիսուս Քրիստոսի անունից «սեր» էին քարոզում, բայց իրականում պառակտում էին հասարակությանը, «հայաստանցի-ղարաբաղցի», սև ու սպիտակ ջրբաժաններ ստեղծում, ատելություն գեներացնում, կեղծ տեղեկություններ տարածում, սև ժապավեններ ու դագաղներ դնում և այդ ամենը հայհոյախառն «սոուսներով» հրամցնում, չէի՞ն մտապահում բումերանգի էֆեկտը:

Ռոբերտ Աբաջյանի ֆեյք պապով փիարված Աղաջանյանը Սյունյաց ոճով «ողջույնների» արժանի՞ է, թե ոչ: Եվ եթե արժանի է, ապա ինքը ե՞րբ է պատասխանատվության ենթարկվելու:


 

Հեղինակ՝ Մարի Ամիրջանյան

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն