Այսօր ԱԺ-ում հատուկ նիստ է՝ վարչապետի ընտրության օրակարգով։ Նիկոլ Փաշինյանը, կարծես, ոչ սթափ վիճակում է, քանի որ ԱԺ ամբիոնից ցնդաբանություններ է հնչեցնում։ Փաշինյանը կորոնավիրուսային համավարակի դեմ պատվաստվելը համեմատում է ջուր խմելու հետ և հայտարարում, թե մարդիկ կան, որոնց խմելու ջուր տաս՝ կմահանան ու ավելացնում. «որովհետև բարեբախտաբար մարդիկ մահանում են»։
«Կոչ եմ անում պատվաստանյութերի հետ կապված շահարկումներին չտրվել, որովհետև ես այսօր մտածեցի, որ, օրինակ, ասում են 200 միլիոն պատվաստման դեպք է եղել և 187, օրինակ, կամ 200` բողոք։ Նույնիսկ գրանցվել է, ինչ-որ մահվան դեպք։ Ես այսօր մտածեցի, որ եթե 200 միլիոն մարդու ուղղակի սովորական խմելու ջուր տանք, որ ինքը խմի, այդ 200 միլիոն մարդու շրջանում ջուր խմելուց հետո, կարող են մարդիկ լինել, որ կվատանան, վստահաբար մարդիկ կլինեն, որ կմահանան, որովհետև ԲԱՐԵԲԱԽՏԱԲԱՐ ՄԱՐԴԻԿ ՄԱՀԱՆՈՒՄ ԵՆ»,- ասաց Փաշինյանը։
Առաջին անգամ չէ, որ Նիկոլ Փաշինյանը կորոնավիրուսային համավարակի առնչությամբ հակագիտական և տրամաբանությունից դուրս հայտարարություններ է անում։ Կորոնավիրուսային պատվաստումներից հետո առաջացած բարդությունների մասին պաշտոնական բժշկագիտական արձանագրումներ եղել են, այդ թվում՝ հաստատումներ՝ պատվաստանյութերի կիրառման ուղղակի հետևանքով առաջացած բարդություններից գրանցված մահվան դեպքերի վերաբերյալ։ Պատվաստումները ջուր խմելու հետ համեմատելը ոչ միայն հակագիտական է, ոչ միայն տարրական գիտելիքների բացակայության հետևանք է, այլ նաև պրիմիտիվ մանիպուլյացիա՝ պատվաստումները Հայաստանում խթանելու համար։
Հիշեցնենք՝ Փաշինյանը Ազգային ժողով է եկել կորոնավիրուսային պատվաստանյութով ներարկվելուց հետո։ Իսկ գուցե պատվաստվելն է պատճառը, որ Փաշինյանը կորցրել է բառերը ճիշտ արտաբերելու ունակությունը ու տրամաբանությունը։
Աղբյուր` AntiFake.am