ԵԽԽՎ Մոնիթորինգի հանձնաժողովի Հայաստանի համազեկուցողները հայտարարություն են տարածել, որտեղ, մասնավորապես, ասվում է.
«Փետրվարի 6-ին Հայաստանի խորհրդարանը որոշել է արտահերթ նիստ գումարել` քննարկելու սահմանադրական բարեփոխումների շարքը, որը կարող է վերացնել Սահմանադրական դատարանի կողմից օրենքի նախագծի համապատասխանությունը Սահմանադրությանը որոշելու պարտադիր պայմանը: Այլ հարցերի հետ համատեղ` սա կարող է ինքնին փոխել Սահմանադրության փոփոխության ընթացակարգը: Ավելին, ներկայացվել է սահմանադրական բարեփոխում, որը կարծես թե նպատակ ունի անմիջապես վերջ տալ Սահմանադրական դատարանի ներկայիս մի քանի անդամների պաշտոնավարմանը»,- ասված է ԵԽԽՎ Մոնիթորինգի հանձնաժողովի Հայաստանի համազեկուցողներ Անդրեյ Շիրցելը և Կիմմո Կիլյունեն:
«Այս երկու թեմաները կարևոր են, և ներկայացվող փոփոխությունները կարող են երկարաժամկետ հետևանքներ ունենալ սահմանադրական ինստիտուտների գործունեության վրա: Այս համատեքստում, ինչպես նաև այս ուղղությամբ բարձրացված որոշ հարցեր հաշվի առնելով` մենք կոչ ենք անում հայկական իշխանություններին որքան հնարավոր է շուտ դիմել Վենետիկի հանձնաժողով և Եվրոպայի Խորհրդի` սահմանադրական իրավունքի հարցերով մասնագիտական մարմին` կարծիք ստանալու համար: Մենք հավատացած ենք, որ այս կարծիքը, որը կարող է տրամադրվել շատ արագ արտահերթ (հրատապ) ընթացակարգով, արժեքավոր կլինի բոլոր շահառուների` այդ թվում` հայկական ընտրազանգվածի համար, եթե հանրաքվե անցկացվի»: