40 տարեկանից ցածր տարիքի ցափահաս քաղաքացիները Մեծ Բրիտանիայում հնարավորություն կստանան ընտրել այլընտրանքային պատվաստանյութ` «AstraZeneca»-ի փոխարեն: Նման որոշում է կայացրել Բրիտանական առողջապահության կարգավորող մարմինը` հաշվի առնելով պատվաստանյութի և հազվադեպ հանդիպող թրոմբների առաջացման կապը:
Կարգավորող մարմինը հայտնել է, որ 28.5 միլիոն պատվաստումներից արդյունքում գրանցվել է թրմոբոզի 242 և 49 մահվան դեպք:
Թրոմբոզի առաջացման ռիսկը առավել բարձր է ավելի երիտասարդ խմբերի քաղաքացիների շրջանում:
Պատվաստման և իմունիզացիայի համատեղ հանձնաժողովի ներկայացուցիչը նշել է, որ նման գործելակերպը կօգնի ավելի բարձրացնել մարդկանց վստահությունը` պատվաստման գործընթացի նկատմամբ` 18-39 տարեկան քաղաքացիներին խորհուրդ տալով օգտվել այլընտրանքային պատվաստանյութից:
«AstraZeneca» պատվաստանյութի շուրջ մտահոգությունները ավելանում են, իսկ պատվաստանյութի կողմնակի ազդեցությունների մասին նորանոր դեպքեր են գրանցվում: Վերջին լուրերը գալիս են Կանադայից, որտեղ գրանցվել է թրոմբոզի առաջացման երկրորդ, իսկ մահվան առաջին դեպքը` պատվաստումից հետո:
Ըստ պաշտոնական տեղեկատվության` թրոմբոզիզ մահացած կինը պատվաստումը ստացել է ապրիլի կեսերին, իսկ թրոմբոզի ախտանշանները զարգացել են իմունիզացիայից յոթ օր անց:
Հիշեցնենք, որ Հայաստանում քաղաքացիների համար հասանելի են «AstraZeneca», «Sputnik V» և «Sinovac» պատվաստանյութերը:
Աղբյուր՝ AntiFake.am