ՌԴ ԱԳՆ-ն, ինչպես միշտ, բացում է բոլոր խաղաքարտերը. ինչու՞ է Մոսկվան շեշտում հրադադարի ռեժիմի խիստ պահպանման անհրաժեշտությունը

article-image

Այսօր առավոտից հակասական տեղեկություններ են շրջանառվում Սյունիքում և Գեղարքունիքում Ադրբեջանի կողմից հրահրված սադրանքների վերաբերյալ:

Իշխանական պաշտոնյաները և նրանց արբանյակները շտապեցին հերքել նման տեղեկությունները և այն որոշ շրջանակների, քաղաքական գործիչների և լրատվականների կողմից իրականացվող «մեդիատեռոր» անվանել: Սակայն այն, որ ադրբեջանական զորքերը առաջ են եկել և ձգտում են հաստատվել նոր բնագծերում, նրանք չհերքեցին:

Օրվա երկրորդ կեսին հայտնի դարձավ, որ ԱԳ նախարարի պաշտոնակատար Արա Այվազյանը հեռախոսազրույց է ունեցել ՌԴ ԱԳ նախարար Սերգեյ Լավրովի հետ: Քննարկվել են այսօր Սյունիքում տեղի ունեցած իրադարձությունները:

«Նախարարի պաշտոնակատար Այվազյանն իր գործընկերոջը տեղեկացրեց Հայաստանի պետական սահմանին տեղի ունեցած վերջին միջադեպի մասին և նշեց ադրբեջանական կողմից նման սադրանքների հրահրման անթույլատրելիությունը: Երկուստեք կարևորվեց տարածաշրջանային անվտանգության և կայունության շուրջ ձեռքբերված պայմանավորվածությունների լիարժեք կատարումը և իրադրության սրումը կանխարգելող քայլերի համադրումը»,- նշվում է ԱԳՆ տարածած մամուլի հաղորդագրության մեջ:

Այստեղ հետաքրքիր հանգամանք է, որ մինչ իմքայլականները միմյանց հերթ չտալով փորձում էին հավաստիացնել, որ Սյունիքում իրավիճակը վերահսկելի է և խնդրով զբաղվում են սահմանապահներն ու ՌԴ խաղաղապահները, Արա Այվազյանը թեմայի շուրջ, անշուշտ հրատապ, հեռախոսազրույց է ունենում Սերգեյ Լավրովի հետ:

Հայկական արտաքին գերատեսչությանը հետևեց նաև ՌԴ ԱԳՆ մամուլի հաղորդագրությունը, որի մեջ նշվում է. «Զրույցի ընթացքում ռուսական կողմը վերահաստատել է կրակի դադարեցման ռեժիմին խստորեն հետևելու անհրաժեշտությունը, ինչպես նաև 2020թ. նոյեմբերի 9-ի և 2021թ. հունվարի 11-ի Ռուսաստանի, Հայաստանի և Ադրբեջանի ղեկավարների հայտարարությունների մյուս կետերի խստորեն կատարումը»:  

Ի հեճուկս Անդրանիկ Քոչարյանի հայտարարությունների` ռուսական կողմը ընդգծել է հրադադարի ռեժիմի խիստ պահպանումը, ինչը մի շարք մտահոգությունների և հարցերի տեղիք է տալիս:

Եթե ամեն ինչ Սյունիքում տեղի է ունեցել այնպես, ինչպես ներկայացնում են իշխանականները և ՊՆ-ն, ապա ինչու է հատուկ շեշտվում հրադադարի ռեժիմի պահպանման անհրաժեշտությունը առավել ևս այն դեպքում, երբ կրակոցների և վիրավորումների մասին տեղեկությունները իշխանությունները ամենայն ջանասիրությամբ հերքում են և փորձում են ապացուցել հակառակը:

Հաջորդ հարցը. ռուսական կողմը նշում է 2020թ. նոյեմբերի 9-ի և 2021թ. հունվարի 11-ի եռակողմ հայտարարությունների այլ հարցերի իրագործման անհրաժեշտությունը, և ինչ կապ ունեն դրանք այսօրվա իրադարձությունների հետ: Արդյո՞ք կարող ենք ենթադրել, որ տեղի են ունենում նախապես պայմանավորված գործողություններ, և հանձնվում են նորանոր տարածքներ, որոնց մասին դարձյալ տեղյակ չէ հասարակությունը:

 

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն