Այսօր ՀՀ վարչապետ Նիկոլ Փաշինյանը որոշում է ստորագրել Արթուր Մարտիրոսյանին Կրթության, գիտության, մշակույթի և սպորտի նախարարի տեղակալ նշանակելու մասին: Հիշեցնենք, որ ավելի վաղ ԿԳՄՍ փոխնախարար Արևիկ Անափիոսյանը հրաժարական էր ներկայացրել` ուսումը Հարվարդի համալսարանում շարունակելու նպատալով:
Քաղաքական գիտությունների թեկնածու Արթուր Մարտիրոսյանը երկար տարիներ աշխատել է «World Vision» կազմակերպությունում Հայաստանում և ԱՄՆ-ում: 2018 թվականին վերադառնալով Հայաստան` Մարտիրոսյանը, մինչև փոխնախարարի պաշտոնում նշանակվելը, եղել է «Դասավանդիր, Հայաստան» (“Teach for Armenia”) ծրագրի զարգացման տնօրենը:
Մարտիրոսյանի ֆեյսբուքյան էջից կարող ենք պարզել, որ Արթուր Մարտիրոսյանը համագործակցում է «Repat Armenia» կազմակերպության, ինչպես նաև «Հանրային քաղաքականության ինստիտուտ» հասարակական կազմակերպության հետ, որի հիմնադիրը Արևիկ Անափիոսյանն է:
Հոդվածի ռուսերեն տարբերակը: