Մյունխենյան անվտանգության համաժողովում փետրվարի 15-ին Լեռնային Ղարաբաղի հակամարտության վերաբերյալ 45 րոպե տևոողությամբ քննարկում կանցկացվի, որին կմասնակցեն ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը: Այս մասին կարդում ենք Համաժողովի պաշտոնական կայքում: Պանելային քննարկումը կվարի Ռուս-ամերիկյան հիմնադրամի նախագահ և գործադիր տնօրեն Սելեստե Վալլանդերը:
Զարմանալի է, որ ի տարբերություն ավանդական դարձած մամլո հաղորդագրությունների և իրազեկումների` Ադրբեջանի նախագահի և Հայաստանի վարչապետի հանդիպման մասին նախապես որևէ տեղեկություն կամ պաշտոնական հայտարարություն չի եղել:
Հետաքրքիր է, որ քննարկումը վերնագրված է «An Update on Nagorno-Karabakh»: Քննարկման համար ինտրիգային և բազմանշանակ վերնագիր է, և պարզ չէ, թե ինչ «նորություն» պիտի հայտնեն պետությունների ղեկավարները քննարկման ընթացքում:
Հոդվածի ռուսերեն տարբերակը: