Հունիսի 10-ին ՀՀԿ նախագահ, ՀՀ երրորդ նախագահ Սերժ Սարգսյանը «Պատիվ ունեմ» դաշինքի թիմակիցների հետ այցելել է Սյունիքի մարզ, համակիրների հետ խոսել Հայաստանի ներկայիս իրավիճակի մասին: Հանդիպման ընթացքում նախագահ Սարգսյանը անդրադարձել է Ադրբեջանի հետ պայմանագիր ստորագրելու Նիկոլ Փաշինյանի կողմից՝ ավելի վաղ հայտարարված պատրաստակամությանը։
Սարգսյանը հիշեցրել է, որ Նիկոլ Փաշինյանը Անվտանգության նիստում հայտարարել էր, թե պատրաստվում է Ադրբեջանի հետ հայանպաստ պայմանագիր ստորագրել, հարց է առաջանում․ ինչու՞ չստորագրեց։
«Իսկ Ալիևը Փաշինյանին չէր ստիպու՞մ ստորագրել այդ փաստաթուղթը, Ալիևը չի՞ մտել մեր տարածք»,- նշել է Սարգսյանը։ Նա տեղեկացրել է, որ այսօր այցելել է Տեղ գյուղ, համայնքին պատկանող 350 հեկտար այժմ գտնվում է ադրբեջանցիների վերահսկողության տակ:
Սարգսյանը չի բացառել այն հանգամանքը, որ կա ստորագրման ենթակա փաստաթուղթ՝ զուգահեռներ անցկացնելով նոյեմբերի 9-ի հայտնի փաստաթղթի ստորագրման հետ։
ՀՀ երրորդ նախագահը ընդգծում է. «նրանք իրականության մեջ տգետ են, գաղտնապահ և հայրենադավ»։
Առավել մանարամասն՝ տեսանյութում․
Աղբյուր՝ AntiFake.am