Դեռևս 2021թ․ հունվարի 17-ին Սուրբ Աթոռում ՀՀ նախկին դեպսան Միքայել Մինասյանը փաստաթուղթ հրապարակեց, որը բացահայտում էր Արարատ Միրզոյանին որպես ԱԱԾ գործակալ:
Նույն օրը Միրզոյանը պատասխանեց Մինասյանի հայտարարությանը` այն որակելով որպես «սուտ մատնություն»: Սակայն այսօր հենց Արարատ Միրզոյանը ընդունում է փաստաթղթի գոյության և իրական լինելու փաստը:
Վերջինիս պնդմամբ` ԱԱԾ-ն է դիմել Միրզոյանին օգնության համար, այնինչ հենց փաստաթղթի մեջ նշված է, որ Արարատ Միրզոյանին կարող են հայտնի դառնալ նաև պետական և ազգային գաղտնիք պարունակող տեղեկություններ, որոնք նա պարտավորվում է գաղտնի պահել:
Միրզոյանը փորձում է հավաստիացնել, թե գործել է ԱԱԾ խնդրանքով, սակայն փաստաթղթից հստակ երևում է, որ ապագա ԱԺ նախագահը հավաքագրվել է օտարերկրյա հատուկ ծառայությունների դեմ պայքարում:
Ավելին, Միրզոյանը ստում է նաև փաստաթուղթը ստորագրելու ժամկետների առումով: Նա նշում է, որ ստորագրել է Հայոց ցեղասպանության 100-րդ տարելիցին ընդառաջ, այնինչ հենց փաստաթղթում (որի ոչ մի տառը չի հերքվել) նշված է 2007 թվական, ինչը գուցե Ռոբերտ Քոչարյանի իշխանության վերջին շրջանն էր, սակայն 100-ամյակին դեռ 8 տարի էլ կար:
Աղբյուր՝ AntiFake.am