Այսօր՝ հունիսի 23-ին, «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը մամուլի ասուլիս էր հրավիրել, որտեղ ի թիվս բազմաթիվ հարցերի` անդրադարձել է նաև «Պատիվ ունեմ» դաշինքի կողմից պատգամավորական մանդատները վերցնելու վերաբերյալ հարցին:
«Եթե որոշում կայացվի, որ դաշինքը ի վերջո գնում է խորհրդարան, վերցնելու է մանդատները, միանշանակ իմ թիմին մենակ չեմ թողնի, գնալու եմ խորհրդարան, և շարունակելու ենք մեր պայքարը խորհրդարանում: Ցավոք սրտի, մանդատները չվերցնելը որևէ իրավական հետևանք չի առաջացնում խորհրդարանի գործունեության համար: Այսինքն՝ եթե մենք չենք վերցնում մանդատները խորհրդարանը շարունակում է գործել»,- նշել է Վանեցյանը:
Civic.am-ը, սակայն, այս հարցի կապակցությամբ նյութը հրապարակել է «Գնալու ենք խորհրդարան․ «Պատիվ ունեմը» կվերցնի մանդատները․» վերնագրով, ինչը Արթուր Վանեցյանի խոսքերի բացահայտ մանիպուլյացիա է: Վանեցյանը իր խոսքում նշել է, որ դեռ որոշում չկա պատգամավորական մանդատները վերցնելու կապակցությամբ, մինչդեռ կայքի հրապարակումից հասկացվում է, որ «Պատիվ ունեմ» դաշինքը արդեն իսկ որոշում է կայացրել և վերցնում է պատգամավորական մանդատները:
Աղբյուր՝ AntiFake.am