«Այսօր Հայաստանում կատարվում է հետևյալը․ երկրի դատախազը, քննիչը, ոստիկանը, արդեն նաև դատավորը մեկ մարդ է՝ Հայաստանի վարչապետի աթոռը զբաղեցնող անձը, ով շատ հստակ ու հետևողական քաղաքական հետապնդումներ է իրականացնում»,- «Հայաստան» դաշինքի մամուլի սրահում ասուլիսի ժամանակ ասաց դաշինքի անդամ, ՀՅԴ Հայաստանի ԳՄ անդամ Իշխան Սաղաթելյանը։
«Պատահական չէ, որ այս ամեն ինչը տեղի է ունենում Սյունիքում նաև Տավուշում, բանակից հեռացնում են լավագույն զինվորականներին: Պատահական չէ, որ պատերազմի ընթացքում Սյունիքի ինքնապաշտպանությունը կազմակերպած համայնքների ղեկավարների նկատմամբ այսօր շատ հստակ քաղաքականություն է իրականացվում և մարդկանց փորձում են ձերբակալել ու կալանավորել։ Այս ամենը մենք կապում ենք առաջիկայում Հայաստանին սպասվող ցավոտ լուծումների հետ»,- ասաց Իշխան Սաղաթելյանը։
Աղբյուր՝ AntiFake.am