ԵԱՀԿ Մինսկի խմբի համանախագահները հայտարարություն են տարածել.
Մոսկվա, Փարիզ, Վաշինգտոն, 19 մարտի, 2020թ. – Հաշվի առնելով COVID-19-ի տարածմամբ ստեղծված բացառիկ իրավիճակի պատճառով ԵԱՀԿ գործող նախագահի անձնական ներկայացուցչի կողմից դիտորդական առաքելությունների ընթացիկ կասեցմամբ՝ ԵԱՀԿ Մինսկի խմբի համանախագահները (Իգոր Պոպովը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ)) պահանջում են կողմերից վերահաստատել իրենց պատրաստակամությունը՝ խստորեն հետևել հրադադարի պայմաններին և զերծ մնալ ցանկացած սադրիչ գործողությունից, որը կարող է առավել լարվածություն առաջացնել այս ժամանակաշրջանում:
Ընդունելով, որ տարածաշրջանի բժշկական ռեսուրսները պետք է տրամադրվեն բացառապես վիրուսի տարածման դեմ պայքարին և տուժածներին բուժելուն, մենք կողմերին կոչ ենք անում ցուցաբերել հնարավոր առավելագույն զսպվածությունը էսկալացման ռիսկը նվազեցնելու համար, ներառյալ` օգտագործելով գործող ուղիղ կապի միջոցները:
Չնայած միջազգային ճանապարհորդության խիստ սահմանափակումներին՝ համանախագահները առանց ընդհատման շարունակելու են իրենց միջնորդական ջանքերը՝ միմյանց և կողմերի միջև սերտ հաղորդակցության մեջ լինելով:
Ավելի վաղ Կորոնավիրուսի տարածմամբ պայմանավորված՝ դիտորդական առաքելությունների ընթացիկ կասեցման վերաբերյալ հայտարարությամբ հանդես էր եկել նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը: