Երեւանի կենտրոնում` հրապարակամերձ հատվածում, պարզվում է, քաղաքացիներին արգելված է նստարաններին նստելը։ Այս մասին ֆեյսբուքյան իր էջում գրել է 5-րդ ալիքի լրագրող Մարիաննա Ղահրամանյանը՝ տեսանյութ հրապարակելով Հանրապետության հրապարակի շրջակայքից։
«Հենց նոր ոստիկանը Հայփոստի դեմ դիմացի նստարաններին նստած քաղաքացիներին` երիտասարդ աղջիկներ, թոշակառու պապիկ, կարգադրեց հեռանալ, հետո մոտեցավ ինձ ու կողքի նստարանին նստած մի երիտասարդի, նույն հրահանգը տվեց` առանց ներկայացնելու որեւէ հիմք` ինչո՞ւ։ Ես, իհարկե, շարունակում եմ նստած մնալ նստարանին, իսկ այս պահին ամբողջ հրապարակամերձ հատվածը պարալիզացված է, մարդիկ արեւի տակ կանգնած սպասում են ինչ-որ բանի, փաստորեն, քայլել, իրենց ճանապարհը շարունակել չեն կարող, ոստիկանները նրանց արգելում են, որովհետև Նիկոլ Փաշինյանը եւ ԵԽ նախագահ Շառլ Միշելը կառավարության շենքում են ու երեւի ժողովրդավարական հասարակության, մարդու իրավունքների (այդ թվում ազատ տեղաշարժի) մասին գեղեցիկ մտքեր են փոխանակում։ Իսկ տեսանյութում երեւում է, թե ինչպես են քաղաքացիները փորձում հասկանալ, թե ինչու չեն կարող սեփական երկրում ազատ տեղաշարժվել»,- գրել է լրագրողը։
Մանրամասները՝ տեսանյութում.
Աղբյուր՝ AntiFake.am