Իշխանության փոփոխության համար հարկավոր է լավ ընդդիմություն։ Ընդդիմությունն է պատասխանատու իշխանության փոփոխության համար։
Այս մասին այսօր՝ հոկտեմբերի 9–ին, իր տելեգրամյան ալիքում հրապակած տեսանյութում ասել է քաղաքագետ Նարեկ Սամսոնյանը՝ անդրադառնալով Նիկոլ Փաշինյանին իշխանությունից հեռացնելու վերաբերյալ հանրային դիսկուրսին և իշխանափոխություն իրականացնելու եղանակների վերաբերյալ հարցերին։
«Եթե ընդդիմությունը լինում է վատը՝ ընդդիմությունը փոխվում է։ Եթե կա իշխանափոխության քաղաքացիական պահանջ, որը ընդդիմությունը չի կարողանում կատարել՝ ընդդիմությունն ավտոմատ վերածվում է «տիտղոսային ընդդիմության», եթե դա խորհրդարանական ընդդիմություն է, և վերջում արժանանում է «Բարգավաճ Հայաստանի» և «Լուսավոր Հայաստանի» ճակատագրին»,– ասաց Սամսոնյանը՝ նկատի ունենալով, որ այդ ընդդիմությունը տեղի ունեցող ընտրությունների արդյունքներով չի անցնում խորհրդարան։
Սամսոնյանն իր տեսանյութում շոշափել է ներկա ընդդիմության կողմից իշխանափոխություն անելու հավանականության, ընդդիմության կողմից հապաղելու դեպքում առաջացող հետևանքների, այլընտրանքային ընդդիմության հավանական ձևավորման նախադրյալների, իշխանափոխության օրակարգի սպասարկման, արտաքին ուժերից իշխանափոխություն սպասողների մասին հարցերին։
Մանրամասները՝ տեսանյութում․
Աղբյուր՝ AntiFake.am