Ոստիկանությունը նյութեր է նախապատրաստում հոկտեմբերի 12–ին Լուսավոր Հայաստան կուսակցության գրասենյակի բակում կուսակցության ղեկավար Էդմոն Մարուքյանի և քաղաքացու միչև տեղի ունեցած միջադեպի առնչությամբ։ AntiFake.am–ի հաղորդմամբ՝ ոստիկանության ծառայողները այցելել են լրատվականի գրասենյակ՝ Մարուքյանի և քաղաքացու միջև տեղի ունեցած քաշքշուկի տեսագրությունը ստանալու նպատակով։
Հիշեցնենք՝ երեքշաբթի առավոտյան միջադեպ է տեղի ունեցել «Լուսավոր Հայաստան» կուսակցության ղեկավար, Ազգային ժողովի նախկին պատգամավոր Էդմոն Մարուքյանի և մի քաղաքացու միջև՝ կուսակցության գրասենյակի բակում։ Մի քաղաքացի գրասենյակի բակում մոտեցել է Էդմոն Մարուքյանին, երբ վերջինս կայանում էր մեքենան։ Կարճ խոսակցությունից հետո, որի ընթացքում, AntiFake.am–ի լրագրողի փոխանցմամբ, քաղաքացին Մարուքյանին հարցրել է, թե ինչու նա չի ծառայում Հայաստանին, քաշքշուկ և հրմշտոց է սկսվել քաղաքացու և Էդմոն Մարուքյանի միջև, հնչել են փոխադարձ հայհոյանքներ։ AntiFake.am–ի տեսախցիկը ֆիքսել է հրմշտոցի և դրան հաջորդած լարված խոսակցություն պահը։
Աղբյուր՝ AntiFake.am