AntiFake.am-ը շարունակում է հանրությանը ներկայացնել պետական ապարատի տարբեր կառույցներում հատկացվող պարգևավճարների չափը։ Այս շարքով ներկայացնում ենք 2020 թվականի առաջին եռամսյակի ընթացքում պետական տարբեր կառույցներում հատկացված պարգևավճաների չափը։
AntiFake.am-ը հարցում էր ուղարկել ՀՀ պետական եկամուտների կոմիտե՝ խնդրելով տրամադրել կառույցում 2020 թվականի առաջին եռամսյակի ընթացքում հատկացված պարգևատրումների ընդհանուր չափը։
Ի պատասխան հարցման՝ հայտնել են, որ ՀՀ պետական եկամուտների կոմիտեի աշխատակիցներին 2020 թվականի առաջին եռամսյակի ընթացքում տրված պարգեւատրման գումարները օրենքով սահմանված պահումներից հետո կազմել են 1.038.852.900 դրամ, որը համարժեք է շուրջ 2.146.400 ԱՄՆ դոլարին։ Հունվար, փետրվար եւ մարտ ամիսների պարգևատրումները կազմել են՝ համապատասխանաբար 203.096.100, 426.825.600 եւ 408.931.200 դրամ:
Միաժամանակ հայտնել են, որ ՀՀ պետական եկամուտների կոմիտեի նախագահ Դավիթ Անանյանը 2020 թվականի առաջին եռամսյակի ընթացքում պարգեւատրվել է երկու անգամ: Պարգեւատրման ընդհանուր գումարը օրենքով սահմանված պահումներից հետո կազմել է 2.198.000 դրամ, որից 1.099.000 դրամը՝ հունվար, իսկ 1.099.000 դրամը՝ փետրվար ամսվա համար:
Աղբյուր՝ AntiFake.am
Կարդացե՛ք նաև`
► Վարչապետի աշխատակազմում առաջին եռամսյակի պարգևավճարները կազմել են 46.000 դոլար (22.3 մլն դրամ)
► Նախագահի աշխատակազմում փետրվար ամսին հատկացվել է 33,4 մլն դրամ պարգևավճար
► ԿԳՄՍՆ-ում 94 միլիոն դրամի պարգևավճարներ են բաժանվել 2020թ. առաջին եռամսյակում
► Քննչական կոմիտեում 2020թ. առաջին եռամսյակում հատկացվել է շուրջ 354 միլիոն դրամի (730.000 դոլար) պարգևավճար
► Հանրային հեռուստաընկերությունում 32,6 մլն դրամ պարգևավճար է հատկացվել 2020թ. առաջին եռամսյակում