Ազգային ժողովում առաջին եռամսյակի պարգևավճարները կազմել են 270 միլիոն դրամ

article-image

AntiFake.am-ը շարունակում է հանրությանը ներկայացնել պետական ապարատի տարբեր կառույցներում հատկացվող ահռելի պարգևավճարների չափը։ Այս շարքով ներկայացնում ենք 2020 թվականի առաջին եռամսյակի ընթացքում պետական տարբեր կառույցներում հատկացված պարգևավճաների չափը։

AntiFake.am-ը հարցում էր ուղարկել ՀՀ Ազգային ժողովին՝ խնդրելով տրամադրել կառույցում 2020 թվականի առաջին եռամսյակի ընթացքում հատկացված պարգևատրումների ընդհանուր չափը։

ՀՀ Ազգային ժողովի աշխատակազմի ղեկավարի տեղակալ Լիլիթ Մինասյանը, հարցմանն ի պատասխան հայտնել է, որ ՀՀ ԱԺ նախագահ Արարատ Միրզոյանի՝ 04.02.2020թ. Կ-14-Ա կարգադրությամբ հատկացված պարգևատրումների ընդհանուր չափը կազմել է 113.237.560 ՀՀ դրամ, Կ-15-Ա կարգադրությամբ հատկացված պարգևատրումների ընդհանուր չափը՝ 60.540.423 ՀՀ դրամ, 03.03.2020թ. Կ-38-Ա կարգադրությամբ հատկացված պարգևատրումների ընդհանուր չափը՝ 61.149.110 ՀՀ դրամ։

Կ-53-Ա կարգադրությամբ հատկացված պարգևատրումների ընդհանուր չափը կազմել է 26.935.515 ՀՀ դրամ, որը ՀՀ ԱԺ նախագահի նախաձեռնությամբ և պատգամավորների համաձայնությամբ փոխանցվել է «Ֆիզիկական անձանց և կազմակերպությունների նվիրաբերությունից պետությանը, կորոնավիրուսային վարակի (COVID-19) կանխարգելման և հաղթահարման ապահովման համար ֆինանսական աջակցության» գանձապետական հաշվեհամարին։

02.04.2020թ. Կ-56-Ա կարգադրությամբ հատկացված պարգևատրումների ընդհանուր չափը կազմել է 35.064.525 ՀՀ դրամ:

Այսինքն՝ ՀՀ Ազգային ժողովում 2020թ. առաջին եռամսյակի ընթացքում ընդհանուր առմամբ հատկացվել է 269.991.618 ՀՀ դրամ պարգևավճար, որը համարժեք է մոտ 565 հազար ԱՄՆ դոլարին։ 

Աշխատակազմի ղեկավարի տեղակալը հավելել է, որի 2019թ. մինչ օրս ՀՀ ԱԺ որևէ պատգամավոր չի հրաժարվել իրեն հասանելիք պարգևավճարից։

Հարցման պատասխանը՝ ստորև.

Աղբյուր՝ AntiFake.am

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն