Ադրբեջանցիներն առեւանգել են Սյունիքի մարզի Տեղ համայնքի 53-ամյա հովիվին եւ իր ոչխարներին։ Այս մասին NEWS.am-ի հետ զրույցում ասել է Արավուսի համայնքի ղեկավար Արգամ Հովսեփյանը։
«Հավանաբար ոչխարներին արածացնելով՝ կամաց-կամաց գնացել ու հասել է սահմանին։ Սահմանի մի կողմում մերոնք են, մյուս կողմում էլ՝ իրենք, անցել է սահմանը, իրենք էլ միանգամից իջել են ու տարել։ Հովիվն ունի 1000 ոչխար ունի՝ երկու մասի բաժանված, երեւի իր հետ 500 ոչխար է եղել»,- ասել է Հովսեփյանը։
Հովսեփյանը հայտնել է, որ բանակցություններ կիրականացվեն ռուսական կողմի միջնորդությամբ Տեղի բնակչին վերադարձնելու ուղղությամբ։
Hraparak.am-ին էլ գյուղի բնակիչները հայտնել են, որ հովվին և ոչխարների հոտը թշնամու չորս զինվոր է տարել:
Աղբյուր` NEWS.am