#SutNikol նախաձեռնության անդամներ Նարեկ Սամսոնյանը, Արթուր Դանիելյանը և Կոնստանտին Տեր-Նակալյանը ակցիա են իրականացնում Երևանի փողոցներում: Նրանց միացել են նաև այլ երիտասարդներ:
Այս պահին ոստիկանություն է բերվել ակցիա իրականացնող երիտասարդներից մեկը՝ Իշխան Խոսրովյանը:
Հիշեցնենք, որ ապրիլի 1-ին տեղի ունեցած #sutNikol ֆլեշմոբը ցույց տվեց, որ Հայաստանում ստի ու կեղծիքի միջոցով իշխանությունը զավթած քաղաքական ուժի նկատմամբ հանրային վերաբերմունքը համընկնում է #sutNikol նախաձեռնության ունեցած պատկերացումներին: Պայմանավորված ապրիլյան քառօրյա պատերազմի օրերով՝ նախաձեռնությունը դադարեցրել էր հասարակության շրջանում և ֆեյսբուքյան տիրույթում բավական բուռն արձագանք ստացած ակցիան:
Այսօր Երևանի փողոցներում #sutNikol նախաձեռնությունը վերսկսել է իր գործողությունները: