Նոր տիպի կորոնավիրուսը շարունակում է թափ հավաքել Հայաստանում: Վարակվածության դեպքերը ավելանում են, իսկ ընդհանուր թիվը մոտենում է 6000-ին: Համաձայն մայիսի 22-ին հրապարակված պաշտոնական տվյալների՝ գրանցվել է կորոնավիրուսային վարակվածության ընդհանուր 5928 դեպք, մահացել է 74 հիվանդ, բուժվել՝ 2874-ը:
Մայիսի 21-ին Արցախի նորընտիր նախագահ Արայիկ Հարությունյանի երդման արարողությանը հաջորդել էր հյուրասիրություն, որի մասնակիցները, այդ թվում՝ ՀՀ բարձրաստիճան պաշտոնյանները և նրանց ուղեկցող կանայք չեն պահպանել սոցիալական հեռավորություն և չեն կրել դիմակներ ու ձեռնոցներ:
Խնդիրն այն է, որ Հայաստանում օր օրի ահագնացող վարակի ֆոնին, իշխանությունները քաղաքացիներին սոցիալական հեռավորություն պահպանելու, դիմակ և ձեռնոց կրելու կոչեր են անում, սակայն իրենք չեն հետևում իրենց կողմից սահմանված կանխարգելման կանոնների պահպանմանը:
Փաստենք, որ կորոնավիրուսի Հայաստան ներթափանցմանը զուգահեռ, իշխող ուժի ներկայացուցիչները նախ «հումորային» հայտարարություններով էին անլուրջ իրավիճակ ստեղծում հասարակության շրջանում, ապա հանդես էին գալիս հակասական և իրարամերժ հայտարարություններով և իրենց գցում «իրենց փորած փոսը»:
Ավելին՝ «Խնջույք ժանտախտի ժամանակ կամ ինչպես վերին աստիճանի անլրջացնել կորոնավիրուսի դեմ պայքարը»
Այս ամենը հայտնվել է ֆեյսբուքյան օգտատերերի, հասակակական-քաղաքական գործիչների ուշադրության կենտրոնում, որոնք քննադատական և ծաղրական հրապարակումներ են արել:
Ներկայացրել էինք ֆեյսբուքյան օգտատերերի, հասարակական-քաղաքական շրջանակների անդրադարձերը՝ «Ֆեյսբուքյան օգտատերերը քննադատում են իշխանությանը կորոնավիրուսի կանխարգելման կանոնները չպահելու համար»
Մայիսի 16-ին տեղի ունեցած մամուլի ասուլիսի ընթացքում վարչապետ Նիկոլ Փաշինյանը ներկայացրել է նոր «100 փաստ», որոնք լի էին ստերով և մանիպուլյացիաներով։
Yerevan.Today-ը հետաքրքրվել էր, թե ինչու Հայաստանում չեն աշխատում Բալոնների գործարանը, Հայկական էլեկտրատեխնիկայի արտադրության գործարանը, Սևանի շաքարի գործարանը, Ալավերդու պղնձաձուլարանը, բամբակի վերամշակման գործարանը, որոնց մի մասի բացմանը մասնակցել է անձամբ վարչապետ Նիկոլ Փաշինյանը:
Ինչպես իր մի շարք պատասխաններում, այս հարցի վերաբերյալ պատասխանում նույնպես Նիկոլ Փաշինյանն արել է մի շարք մանիպուլյատիվ հայտարարություններ։
Կարող ենք նշել, որ երբ անհրաժեշտություն է առաջանում ցույց տալ իշխանության ներկայացուցիչների և մասնավորապես՝ Փաշինյանի տված խոստումների իրականացումը, իշխանության քարոզչական ապարատը անում է ամենը ցույց տալու համար, որ բացվում են գործարաններ, ստեղծվում են աշխատատեղեր, առկա է ներդրումային բարենպաստ միջավայր, բայց երբ այդ ամենը ձախողվում է հենց իշխանության «գործուն ջանքերի» շնորհիվ, կամ իշխանության կողմից ոչ բավարար հետևողականություն ցուցաբերելու արդյունքում, Փաշինյանը ինքն իր վրայից գցում է պատասխանատվությունը։
Կարդացե՛ք՝ ամբողջական հրապարակումը՝ «Գործարանների բացման կրեդիտները՝ Փաշինյանին, իսկ փակման պատասխանատվությունը՝ ուրիշներին. իշխանության «հաջողության» բանաձևը»
Շարունակեք հետևել AntiFake.am-ի հրապարակումներին սոցիալական տարբեր հարթակներում՝
Աղբյուր՝ AntiFake.am