«Քաղաքացիական գիտակցություն» ազատական ՀԿ-ը հայտարարություն է տարածել ոստիկանության կողմից հասարակական-քաղաքական գործիչներին բերման ենթարկելու կապակցությամբ: Հայտարարությունը ստորև.
«Ոստիկանությունը բերման է ենթարկել «Քաղաքացիական գիտակցություն» ազատական ՀԿ նախագահ, AntiFake.am կայքի հիմնադիր Նարեկ Սամսոնյանին և մի քանի տասնյակ քաղաքացիների ու հասարակական-քաղաքական գործիչների։
Նարեկ Սամսոնյանը և մյուսները հավաքվել էին Ոստիկանության Արաբկիրի բաժնի մոտ՝ ի աջակցություն ավելի վաղ Ազգային ժողովի մոտից «Միայնակ ակցիա» իրականացնելու համար բերման ենթարկված Ռուբեն Մելիքյանի և ևս 3 իրավապաշտպանների։
Մինչ ոստիկանությունն անհամաչափ գործողություններով և առանց որևէ իրավական հիմքի բերման էր ենթարկում քաղաքացիներին, Ազգային ժողովում շարունակվում է Արտակարգ դրության ռեժիմը երկարաձգելու հարցի քննարկումը, որով պահպանվում է քաղաքացիների՝ հավաքների ազատության իրավունքի իրականացման արգելքը։
Իշխանությունների և ոստիկանության կողմից իրականացվող գործողությունների այս համակցությունը ոչ այլ ինչ է, քան հակահամաճարակային գործողություններ իրականացնելու անվան տակ քաղաքացիների հավաքների ազատության սահմանադրական իրավունքի իրականացմանը խոչընդոտելու և իշխանության ընդդիմախոսներին լռեցնելու փորձ»։
Русская версия обьявление
English version of the statement
Աղբյուր՝ AntiFake.am