Քիչ առաջ իրավապաշտպան Ռուբեն Մելիքյանը կոշտ ձերբակալման է ենթարկվել ոստիկանության կողմից։ Ռուբեն Մելիքյանը գտնվում էր Ազգային անվտանգության ծառայության դիմաց և իրավապաշտպանական դիտարկում էր իրականացնում, որտեղ հավաքվել են «ԲՀԿ» խմբակցության ղեկավար, պատգամավոր Գագիկ Ծառուկյանի աջակիցները։
Ռուբեն Մելիքյանն իր ֆեյսբուքյան էջում հայտնել է, որ վնասվածքներ է ստացել, ապա նշել է, որ դրանք թեթև են. «Մի քանի թեթև հարված, թեթև քերծվածք ոտքիս ու բութ մատս էլ դռան տակ մնաց։ Էդքան մի բան։ Մի անհանգստացեք»,-գրել է Մելիքյանն իր ֆեյսբուքյան էջում։
Իրավապաշտպանը հայտնել էր, որ միայն դիտարկում էր հավաքը և կոչ էր անում չդիմադրել ու չձերբակալել պատգամավոր Աբովյանին։
Իրավապաշտպանը նաև կոչ է արել փաստաբաններին այցելել բաժիններ. «Խնդրում եմ այցելել բաժիններ։ Մի ձերբակալված կարծես ուշագնաց էր»,-գրել է Մելիքյանը։
Աղբյուր՝ AntiFake.am