Քիչ առաջ Ազգային ժողովի Հաշվիչ հանձնաժողովի նախագահ Վահագն Հովակիմյանը ներկայացրել է Գագիկ Ծառուկյանին պատգամավորական անձեռնմխելիությունից զրկելու մասին փակ, գաղտնի քվեարկության արդյունքները: Քվերակությանը մասնակցել է 87 պատգամավոր: Ձայները բաշխվել են հետևյալ կերպ. 87 կողմ, 0 դեմ: Անվավեր քվեաթերթիկ չի արձանագրվել:
Այսպիսով, համաձայն քվեարկության արդյունքների` Գագիկ Ծառուկյանը զրկվել է պատգամավորական անձեռնմխելիությունից:
Հիշեցնենք, որ Ազգային ժողովի մյուս երկու` «Լուսավոր Հայաստան» և «Բարգավաճ Հայաստան» խմբակցությունները չեն մասնակցել քվեարկությանը: