Խորհրդարանը արտահերթ նիստ է գումարել։ Օրակարգում «Իմ քայլը» խմբակցության 50-ից ավելի պատգամավորների ներկայացրած Սահմանադրության փոփոխությունների նախագիծը առաջին ընթերցմամբ ընդունելու մասին հարցն է:
«Բարգավաճ Հայաստան» խմբակցությունը չի մասնակցում նիստին: Ինչպես նշել է ԲՀԿ խմբակցության պատգամավոր Նաիրա Զոհրաբյանը, այս նիստով ՀՀ-ում սահմանադրական հեղաշրջման հիմք է դրվում: «Սրանով Հայաստանում հիմք է դրվում և հաստատվում է բռնապետություն, ուստի ԲՀԿ-ն չի մասնակցելու մի նիստի, որի իրավական և քաղաքական հետևանքների համար այդ նիստի բոլոր դերակատարներն ու մասնակիցները կրելու են իրավական և քաղաքական պատասխանատվություն»,- նշել է Զոհրաբյանը:
Նիստին չմասնակցելու հավանականության մասին ավելի վաղ նաև հայտնել է «Լուսավոր Հայաստան» խմբակցության ղեկավար Էդմոն Մարուքյանը:
Մանրամասները՝ տեսանյութում:
Աղբյուր՝ AntiFake.am