Համախմբվել և լծվել Նիկոլ Փաշինյանին իշխանությունից հեռացնելու կարևոր և այսրոպեական գործընթացին. «Քաղաքացիական գիտակցություն» ՀԿ վարչության հայտարարությունը

article-image

«Քաղաքացիական գիտակցություն» ազատական հասարակական կազմակերպության վարչությունը հայտարարություն է տարածել, որում մասնավորապես ասվում է. 

«2018 թվականին քաղաքական շանտաժով իշխանությունը զավթած քաղաքական ուժը այսօր հերթական անգամ կոպտորեն տապալել է սահմանադրական կարգը՝ Սահմանադրական դատարանի զավթմամբ ու Հանրապետության նախագահի լիազորությունների յուրացմամբ վերջնականորեն փակելով իրավական պետության, ժողովրդավարության և իրավունքի գերակայության էջը Հայաստանի Հանրապետությունում։  

«Քաղաքացիական գիտակցություն» ազատական ՀԿ-ն խստորեն դատապարտում է իշխող ուժի կողմից սահմանադրական կարգի տապալման շարունակական գործընթացը։

Սահմանադրական կարգի տապալման և իշխանության յուրացման այս գործընթացին մասնակցած 89 քաղաքացիները կատարել են առերևույթ հանցագործություն, ինչի համար մոտ ապագայում կրելու են պատասխանատվություն։

Միևնույն ժամանակ արձանագրում ենք, որ խորհրդարանական ընդդիմությունը հնարավորություն ունի կասեցնելու այս հակասահմանադրական գործընթացը։ Այդ կապակցությամբ ողջունում ենք «Բարգավաճ Հայաստան» խմբակցության՝ Սահմանադրական դատարան դիմելու նախաձեռնությունը և կոչ ենք անում խորհրդարանական մյուս ուժին ևս միանալ նախաձեռնությանը, հակառակ պարագայում, կանգնելով սահմանադրական կարգը տապալած 89 հանցագործների կողքին, այդ ուժը վերջնականորեն կամրագրի իր տեղը պատմության աղբանոցում և կդասվի սահմանադրական կարգը տապալած 89 հանցագործների շարքին։

Կոչ ենք անում նաև արտախորհրդարանական և խորհրդարանական առողջ հասարակական և քաղաքական ուժերին, որոնք գիտակցում են Հայաստանի պետականության համար սահմանադրական կարգի տապալման կործանարար հետևանքները, համախմբվել և լծվել այս ամենի քաղաքական պատասխանատու Նիկոլ Փաշինյանին վերջնականապես իշխանությունից հեռացնելու կարևոր և այսրոպեական գործընթացին»։

«Քաղաքացիական գիտակցություն» ազատական ՀԿ Վարչություն

Русская версия заявления.

English version of the statement

Աղբյուր՝ AntiFake.am

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն