«Բարգավաճ Հայաստան» խմբակցության պատգամավոր, Մարդու իրավունքների պաշտպանության և հանրային հարցերի հանձնաժողովի նախագահ Նարիա Զոհրաբյանն իր ֆեյսբուքյան էջում հայտնել է, որ որպես հանձնաժողովի նախագահ իրեն սպասարկող ծառայողական մեքենայի վարորդին զանգել և հրավիրել են Քանաքեռ-Զեյթունի Քրեական հետախուզության բաժին. «Չէ, սրանք այլևս դառնում են անտանելի։
Հենց նոր զանգահարեցին ինձ ՝ որպես Մարդու իրավունքների պաշտպանության և հանրային հարցերի հանձնաժողովի նախագահի սպասարկող ծառայողական մեքենայի վարորդին և հրավիրեցին Քանաքեռ-Զեյթունի Քրեական հետախուզության բաժին ՝ վարորդին ասելով, որ 15 րոպեի զրույց ունեն իր հետ և երկար չեն զբաղեցնի:
Որևէ ծանուցում չի ուղարկվել վարորդին, ես վերցրեցի հեռախոսը և սույն քննիչին բացատրեցի իր օրինական պարտականությունները, որ վարորդը չի կարող ներկայանալ և չի ներկայանալու առանց ծանուցման: Բնականաբար ծանուցումը ստանալուց հետո փաստաբանի հետ կքքնարկվի և անհրաժեշտության դեպքում կներկայանա փաստաբանի հետ:
Ասեմ, որ անցնում եք բոլոր սահմանները և ես ստիպված եմ լինելու շատ հետաքրքիր փակագծեր բացել», - նշել է Զոհրաբյանն իր գրառման մեջ։
Աղբյուր՝ AntiFake.am