ՀՀ վարչապետի աշխատակազմի ղեկավար Էդուարդ Աղաջանյանին պատկանող ակումբը ՀԴՄ կտրոն չի տրամադրում: Աշխատակիցները այցելուներին հորդորում են հետո մոտենալ և վերցնել ՀԴՄ կտրոնը, քանի որ տվյալ պահին ՀԴՄ չեն կարողանում տալ: Այս մասին տեսանյութ է հրապարակվել YouTube-ում, որում այցելուները ՀԴՄ կտրոն են պահանջում ակումբի աշխատակիցներից։ «Առաջարկում են ՀԴՄ կտրոն չտրամադրելու և չբողոքելու դիմաց հյուրասիրություն»,- նշվում է հոլովակում։
«ՀԴՄ կտրոն չենք կարող տալ, բայց «իրանք» տեղյակ են, որ մենք ՀԴՄ չենք տալիս»,- հաճախորդներից մեկին հայտնում է աշխատակիցը։ Տեսանյութում երևում է նաև, որ ՀՀ վարչապետի աշխատակազմի ղեկավար Էդուարդ Աղաջանյանը նեկա է, երբ այցելունները պահանջում են իրենց ՀԴՄ կտրոնը, իսկ աշխատակիցները տարբեր պատճառաբանությամբ չեն տրամադրում ՀԴՄ կտրոն:
Մանրամասները՝ տեսանյութում։
Աղբյուր՝ AntiFake.am