Սպաների նկատմամբ գենետիկ ատելություն ունեցող Նիկոլ Փաշինյանը շուտով Հայաստանում իշխանություն չի ունենալու. Նարեկ Սամսոնյան (ՏԵՍԱՆՅՈՒԹ)

«Քաղաքացիական գիտակցություն» ԱՀԿ նախագահ, AntiFake.am կայքի հիմնադիր Նարեկ Սամսոնյանը, դուրս գալով Ոստիկանության Կենտրոնի բաժնից, հայտարարել է, որ «գործող իշխանությունները ատում են ՀՀ ոստիկանությանը: ՀՀ Ոստիկանները դարձել են մի ընտանիքի քաղաքական քմահաճույքների գերին»:

Ըստ Նարեկ Սամսոնյանի` պատճառը այն էր, որ բաժնում փորձ է արվել ստեղծել գործ խուլիգանության հատկանիշներով. «Տեսան, որ չեն կարողանում, արձանագրություն կազմեցին դիմակ չկրելու մասով»:

Սամսոնյանը պատմել է դեպքի մանրամասները, ինչպես նաև սադրիչ «Նիկոլ Փաշինյանի» հետ խոսակցությունը: Այդ ընթացքում ոստիկանության կապիտանը լուռ հետևում է սադրիչի գործողություններին:

«Ըստ էության` գործ ունենք շատ փոքր խուլիգանության հետ: Ոստիկանները, ցավոք սրտի, դարձել է Նիկոլ Փաշինյանի ոտքի տակի սրբելու շորը: Ոստիկանները, գոնե միջին սպայական անձնակազմը չի ուզում, որ ինքը իր մեջ հաղթահարի, էդ բարոյական գիծը անցնի ու ասի, որ կներեք, ես էդ պատվերը չեմ անի: Եթե դուք ուզում եք, որ ձեր սադրիչները մարդկանց ստիպեն, որ իրենց հարվածեն ու էդ մարդկանց բռնեք, ես չեմ անի դա», - ասաց Նարեկ Սամսոնյանը:

Սամսոնյանը վստահություն հայտնեց, որ շատ շուտով Ոստիկանությունը ևս արժանանալու է դրական վերաբերմունքի, և այս քստմնելի վերաբերմունքի, որին արժանանում է այս իշխանությունների կողմից, շատ շուտով ոստիկանները օրվա իշխանությունների կողմից, արժանի ձևով վերաբերմունք են ստանալու:

Նարեկ Սամսոնյանը դիմեց ոստիկաններին. «Սպաների նկատմամբ ունեցող գենետիկ ատելություն ունեցող Նիկոլ Փաշինյանը շուտով Հայաստանում իշխանություն չի ունենալու, և ձեր ուսադիրների նկատմամբ հարգանքն ու պատիվը իշխանությունների կողմից մենք վերականգնելու ենք»:  

Ռուբեն Մելիքյանը լրագրողների հետ զրույցում ասաց. «Ոստիկանությունը պարտավոր է անձին փաստացի ազատությունից զրկելիս տեղեկացնել, թե ինչի համար են իրեն զրկում. նա բերվա՞ծ է, բերման ենթարկվա՞ծ է, վարչական ձերբակալմա՞ն է ենթարկվել, ձերբակալման է ենթարկվել քրեական դատավարությա՞ն իմաստով: Ի՞նչ հիմքով են անձին ազատությունից զրկել:

Ոստիկանությունում պարզաբանել են, որ Նարեկ Սամսոնյանը բերման է ենթարկվել ոստիկանի օրինական պահանջը չկատարելու, այնուհետև դիմակ չկրելու հետ կապված արձանագրություն էին կազմում, ինչը ինչ-ինչ պատճառներով ավարտին հասցնել չի հաջողվել:

«Մեր քաղաքացիները պետք է իմանան, որ վարչական ձերբակալումը պետք է հնարավորինս արագ տեղի ունենա:  Մենք մոտ մեկ ժամ 20 րոպե սպասում էինք, թե երբ են փաստաթղթերը մեզ մոտեցնելու: Եթե դիմակի արձանագրությունն էր, ապա դա հնարավոր էր անել 20 րոպեում», - հայտարարեց Ռուբեն Մելիքյանը:

Մելիքյանը ուշադրություն է հրավիրում երկու խնդրի վրա. «Սահմանադրությամբ պետք է անպայման տեղեկացնեն ազատությունից զրկելու պատճառը, ռեժիմը, կամ հոդվածը: Եվ երկրորդը. պետք է ուշադրություն դարձվի նրան, որ ավելորդ մարդիկ չմնան բաժիններում»:

«Եթե 20-30 հոգի բերման ենթարկված կամ վարչական ձերբակալման ենթարկված լինեն, հասկանալի է, թե ինչի համար է պետք ժամ-ժամուկես սպասել», - նշեց Ռուբեն Մելիքյանը:

Русская версия статьи.

Աղբյուրը` AntiFake.am