Վստահ եմ, որ հնարավոր է անգամ 15 հազար մարդկանցով անել արդյունավետ գործողություն: Գլոբալ առումով` վերջնարդյունքին հասնելու հաջողությունը քանակով պայմանավորված չէ: Այս մասին «Քաղաքացիական գիտակցություն» ՀԿ–ում տեղի ունեցած «Դիմադրության շարժում․ արդյունքներ, հաջողություններ և ձախողումներ» թեմայով պանելային քննարկման ժամանակ նշեց քննարկման մոդերատոր, քաղաքագետ Նարեկ Սամսոնյանը` անդրադառնալով Դիմադրության շարժման գործողություններին:
Նարեկ Սամսոնյանը նշում է, որ բովանդակություն արտադրելը ընդդիմադիր ուժերի առաջնային պարտականությունն է: Բովանդակություն, որով պայմանավորված` մարդիկ պետք է հասկանան, թե ինչպես են լուծվում խնդիրները: Նրա կարծիքով` մի շարք մարտահրավերներ ևս կան, օրինակ, Ազգային ժողովում անվստահության գործընթացը և այլընտրանքային թեկնածուի առաջադրումը:
Քաղաքագետը նկատում է, որ շատերը մտածում են, թե ընդդիմությանը չի կարելի քննադատել. «բայց եթե կառուցողական քննադատություն է, այն առավել քան կարևոր է: Որովհետև մարդիկ ուզում են հասկանալ, ի՞նչ անենք, հրապարակ գա՞նք, թե՞ չգանք: Պետք է պարտադիր գնալ հրապարակ, այն բողոքի արտահայտման ձև է: Բայց մարդիկ պետք է վճռականություն և ծրագիր տեսնեն»:
Մանրամասները` տեսանյութում.
Աղբյուր` AntiFake.am