Փարիզը, ի հեճուկս Ուկրաինայի նախագահ Զելենսկու պնդումների, հրաժարվել է Ռուսաստանը ճանաչել որպես ահաբեկչության հովանավոր: Այս մասին Գերմանիայում կայացած «Մեծ Յոթնակի» գագաթնաժողովում հայտարարել է Ֆրանսիայի նախագահ Էմանուել Մակրոնը:
«Ֆրանսիան չի կիրառում այդ մեթոդաբանությունը: Մենք խոսում ենք ռազմական հանցագործությունների մասին: Դրանց բնութագրումը պետք է թողնել դատավորներին»,-հայտարարել է նա:
Հունիսի սկզբին ԱՄՆ Պետդեպը հայտարարել է, որ ամերիկյան ադմինիստրացիայի մասնագետները շարունակում են հետազոտել՝ «արդյո՞ք Ռուսաստանը համապատասխանում է ահաբեկչության հովանավոր երկրների ցանկում հայտնվելու չափանիշներին»: ՌԴ ԱԳՆ պաշտոնական ներկայացուցիչ Մարիա Զախարովան ԱՄՆ նախաձեռնությունը «հիմարության չափանիշ» է անվանել:
Աղբյուր՝ AntiFake.am