ԿԳՄՍ նախարարությունն արգելել է Նորավանք վանական համալիրի եկեղեցու աստիճանների մուտքը. 168.am

article-image

Հունիսի 28-ից արգելվել է Նորավանք վանական համալիրի Սբ. Աստվածածին (Բուրթելաշեն) եկեղեցու աստիճանների մուտքը: Այս մասին 168.am-ին տեղեկացրեցին Կրթության, գիտության, մշակույթի և սպորտի նախարարությունից:

«Հաշվի առնելով զբոսաշրջային հոսքերի աճը, դժբախտ պատահարների կանխարգելման հրատապությունը և այն հանգամանքը, որ նմանօրինակ դեպքեր նախկինում ևս եղել են՝ ԿԳՄՍ նախարարությունը միջոցներ կձեռնարկի աստիճաններով մուտքը ժամանակավորապես արգելելու վերաբերյալ: Հունիսի 28-ից արգելապատնեշներով մուտքը կարգելվի, և կտեղադրվեն համապատասխան արգելող ցուցանակներ։ Միաժամանակ ոլորտի մասնագետների հետ քննարկվում են խնդրի լուծման տարբերակները: Հայտնում ենք նաև, որ Նորավանք վանական համալիրը սեփականության իրավունքով հանձնված է Մայր Աթոռ Սուրբ Էջմիածնին»,- մանրամասնեցին ԿԳՄՍ նախարարությունից:

Հիշեցնենք, որ Վայոց Ձորի Նորավանք վանական համալիրի Սբ. Աստվածածին եկեղեցու աստիճաններից ազգությամբ հայ ՌԴ քաղաքացի է ընկել։ Տեղեկությունն իր ֆեյսբուքյան էջում հունիսի 27-ին հայտնել է Հայաստանի զբոսավարների հայկական ասոցիացիայի գործադիր տնօրեն Յաշա Սոլոմոնյանը։ Նա գրել է, որ քաղաքացին ոտքերի լուրջ վնասվածքներ ունի։

«Կարծես թե բաց կոտրվածք է` մկանային հյուսվածքների վնասումով ու արյունահոսությամբ, շտապօգնության բրիգադը նրան տեղափոխել է Եղեգնաձորի ԲԿ»,- նշել է Սոլոմոնյանը։
Ասոցիացիայի ղեկավարը գրել է, որ տարիներ շարունակ բազմաթիվ զբոսավարներ աղաղակում են այս խնդրի մասին, անգամ բաց նամակով դիմել են պատկան մարմիններին, սակայն արձագանք չի եղել։

Աղբյուր՝ 168.am

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Ստուգի՛ր փաստերը մեր միջոցով
Լրահոս
nikol-o-meter

Նիկոլ-օ-մետրը գործիք է, որի միջոցով կարող եք իմանալ, թե որքանով է ՀՀ վարչապետ Նիկոլ Փաշինյանը կատարում իր խոստումները:

Ամենաընթերցվածը
Կեղծ լուրերի վիճակագրություն