Բեյրութի նավահանգստում տեղի ունեցած պայթյունի վայրում Ռուսաստանի արտակարգ իրավիճակների նախարարության որոնողափրկարարական խմբի աշխատանքներն ավարտվել են, հայտնում են ТАСС-ին օպերատիվ շտաբից:
«Բեյրութում որոնողափրկարարական աշխատանքներն ավարտվել են, վթարային-փրկարարական աշխատանքները շարունակվում են», - հայտնում են շտաբից:
ՌԴ ԱԻՆ-ի տվյալներով՝ լիբանանյան իշխանություններն այլևս հույս չունեն Բեյրութում տեղի ունեցած պայթյունից հետո կենդանի մարդ գտնել փլատակների տակից:
«Լիբանանի Պաշտպանության նախարարության ներկայացուցիչները, որպես ընդունող երկիր, պաշտոնապես հայտարարել են, որ այլևս չեն ակնկալում փլատակների տակից կենդանի մարդ գտնել», - նշել է գերատեսչության ներկայացուցիչը:
ՌԴ Արտակարգ իրավիճակների նախարարության փրկարարները օգոստոսի 5-ին ժամանել էին Բեյրութ՝ նավահանգստում տեղի ունեցած պայթյունի հետևանքով տուժածներին օգնություն ցուցաբերելու և որոնողափրկարարական գործողություններին մասնակցելու համար:
Աղբյուր՝ AntiFake.am