Բելառուսի նախագահ Ալեքսանդր Լուկաշենկոն առաջատարն է հինգ շրջանների փակ ընտրատեղամասերի ձայների հաշվարկի արդյունքներով: Այս մասին գրում է ТАСС լրատվական գործակալությունը՝ հղում անելով Կենտրոնական ընտրական հանձնաժողովի նախագահ Լիդիա Երմոշինային:
«Մեզ զեկուցել են այսպես ասած փակ ընտրատեղամասերը, բայց ոչ բոլոր շրջաններինը, այլ միայն հինգինը», - ասել է նա: Երմոշինայի խոսքերով՝ 5 շրջանների փակ ընտրատեղամասերում Լուկաշենկոն հավաքել է 82,08%, իսկ Տիխանովսկայան՝ 6,98%:
Բելառուսում կայացած ընտրություններում առկա է 231 փակ ընտրատեղամաս, որոնք տեղակայված են առողջարաններում, դիսպանսերներում, հանգստյան տներում, հիվանդանոցներում և առողջապահական այլ կազմակերպություններում: Այդ հաստատություններում քվեարկությունն ավարտվել է այն ժամանակ, երբ բոլոր ընտրողները քվեարկել են:
Աղբյուր՝ AntiFake.am