ՀՀ Ազգային ժողովի նախագահ Արարատ Միրզոյանը 03.09.2020թ. Կ-107-Ա կարգադրությամբ ԱԺ աշխատակազմի աշխատակիցներին պարգևատրել է ընդհանուր 32.460.540 ՀՀ դրամի չափով, որը համարժեք է մոտ 66.000 ԱՄՆ դոլարին։ Այս մասին AntiFake.am-ին հայտնել են ԱԺ աշխատակազմից՝ սեպտեմբերի 8-ին ուղարկված տեղեկություն ստանալու հարցմանն ի պատասխան։
Արարատ Միրզոյանի կողմից ստորագրված կարգադրությամբ ԱԺ աշխատակիցները պարգևատրվել են աշխատավարձի 30%-ի չափով։
AntiFake.am-ը նաև հետաքրքրվել էր, թե արդյո՞ք ԱԺ պատգամավորները նույնպես պարգևատրվել են օգոստոս ամսվա աշխատանքների համար, ինչին ի պատասխան` աշխատակազմից հայտնել են, որ պարգևատրվել են միայն աշխատակազմի աշխատակիցները։
Աշխատակազմի ղեկավարի տեղակալ Լիլիթ Մինասյանը հրաժարվել է տրամադրել ԱԺ նախագահի կարգադրությանը կից հավելվածը՝ պարզաբանելով, որ դա պարունակում է անձնական տվյալներ։
Հարցման պատասխանը՝ ստորև.
Հիշեցնենք՝ Արարատ Միրզոյանը հուլիսի 3-ին ստորագրել էր Կ-83-Ա կարգադրությունը, որով միանվագ դրամական խրախուսմամբ աշխատավարձի 125 տոկոսի չափով պարգևատրել էր Ազգային ժողովի աշխատակազմում մի շարք պետական ծառայողների և աշխատակազմի մի շարք աշխատողների։ Պարգևատրման ընդհանուր գումարի չափը կազմել էր 148.210.030 դրամ, որը համարժեք է մոտ 304 հազար ԱՄՆ դոլարին։
Русская версия статьи.
Աղբյուր՝ AntiFake.am
Կարդացե՛ք նաև՝
► Փաշինյանը կրկին մանիպուլացնում է պարգևավճարների հարցը. նա «հեղափոխական հարթակից» խոստացել էր ոչ թե պարգևավճարներ բաժանել բարձրաստիճան պաշտոնյաներին, այլ բարձրացնել ոստիկանների և պետական աշխատողների աշխատավարձերը
► Քաղաքապետ Մարությանը 1,8 միլիոն դրամի չափով պարգևատրում է պաշտոնը թողնող աշխատակիցներին. ինչ նպատակ է դա հետապնդում