ԵԱՀԿ Մինսկի խմբի համանախագահները հայտարարություն են տարածել, որում մասնավորապես նշում են.
«Փարիզ, 14 սեպտեմբերի, 2020թ. ԵԱՀԿ Մինսկի խմբի համանախագահները (Իգոր Պոպով, ՌԴ, Ստեֆան Վիսկոնտի, Ֆրանսիա, Էնդրյու Շոֆեր, ԱՄՆ) սեպտեմբերի 14-ին ինտենսիվ խորհրդակցություններ են անցկացրել Փարիզում: ԵԱՀԿ գործող նախագահի անձնական ներկայացուցիչ Անջեյ Կասպրչիկը ևս մասնակցել է հանդիպումներին:
Համանախագահները ուսումնասիրել են տարածաշրջանում առկա իրավիճակը` հատուկ ուշադրություն դարձնելով հուլիսի կեսերին հայ-ադրբեջանական սահմանի վրա տեղի ունեցած սուր լարվածությունից հետո տարածաշրջանում առկա նոր զարգացումներին: Համանախագահները զգուշությամբ վերանայել և գնահատել են կողմերի մասնավոր և հանրային հաղորդագրությունները և մտահոգությունները: ԵԱՀԿ գործող նախագահի անձնական ներկայացուցիչը համանախագահներին ներկայացրել է տեղում առկա անվտանգային իրավիճակը, և վերջիններս ողջունել են նրա կոնկրետ նախապատրաստությունները մշտադիտարկման գործունեությունը վերսկսելու ուղղությամբ:
Համանախագահները հեռախոսային առանձնազրույցներ են ունեցել Ադրբեջանի արտգործնախարար Ջեյհուն Բայրամովի և Հայաստանի արտգործնախարար Զոհրաբ Մնացականյանի հետ և հրավիրել են նախարարներին առանձին հանդիպումներ ունենալ անձնապես համանախագահների հետ գալիք շաբաթների ընթացքում` ճշտելու նրանց համապատասխան դիրքորոշումները` նպատակ ունենալով վերսկսել լուրջ բովանդակային բանակցությունները առանց նախապայմանների»:
Նշվում է, որ համանախագահները, համաձայն իրենց ԵԱՀԿ մանդատի, շարունակում են ակտիվ և ամբողջական ներգրավվածությունը բանակցությունների մեջ` խաղաղ և համապարփակ լուծման հասնելու համար:
Աղբյուր` AntiFake.am