«Հայելու առաջ» հաղորդման հյուրն էր «Քաղաքացիական գիտակցություն» ՀԿ նախագահ, AntiFake.am կայքի հիմնադիր Նարեկ Սամսոնյանը:
AntiFake.am-ի հիմնադիրը նշել է, որ Արևմտյան իստեբլիշմենթի համար Նիկոլ Փաշինյանին փոխելը դառնում է քաղաքական օրակարգ, որովհետև դրա երանգները երևում են և Սվիտալսկու գրքից և ԱՄՆ պետդեպարտամենտի հայտարարությունից:
Սամսոնյանի պնդմամբ, եթե Արևմուտքը ունենար Նիկոլ Փաշինյանին փոխարինող մարդ, վաղուց արդեն փոխած կլիներ Նիկոլ Փաշինյանին:
Անդրադառնալով Արսեն Ջուլֆալակյանի պատգամավորական մանդատը վայր դնելուն` Սամսոնյանն ասել է. «Արսեն Ջուլֆալակյան պատգամավորը պետք է օրենքի առաջ պատասխան տա Հայաստանի Հանրապետության Սահմանադրական կարգը տապալելու համար: Եթե մարդը քաղաքական պատասխանատվություն չկրի իշխանության եղած տարիներին իր վարքի համար և իր վարքի արդյունքում պետության նկատմամբ առաջացրած բացասական հետևանքների համար, մենք ունենալու ենք այն, ինչ ունենք այսօր»:
Նարեկ Սամսոնյանի համոզմամբ` «Նիկոլ Փաշինյան ընդդիմադիրը գերագնահատված է»:
Անդրադառնալով քաղաքական հնարավոր զարգացումներին` Սամսոնյանը նշել է. «Կլինեն քաղաքական անակնկալներ, կլինեն, վստահաբար, նաև քաղաքական հիասթափություններ»:
«Ես անելու եմ ամեն հնարավոր և իմ նման շատ մարդիկ, որ Հայաստանի Հանրապետությունում Նիկոլ Փաշինյանի իշխանությունը օր առաջ ավարտվի»,- եզրափակել է Նարեկ Սամսոնյանը:
Աղբյուր՝ AntiFake.am