Այսօր հրավիրված Սահմանադրական դատարանի աշխատակարգային նիստը ընդմիջվել է:
ՍԴ նորընտիր դատավոր Էդգար Շաթիրյանը լրագրողների հետ զրույցում նշել է, որ նիստի ընթացքում ՍԴ նախագահի ընտրությանը անդրադարձ դեռևս չի եղել, բովանդակային հարցեր չեն քննարկվել, քննարկումները ծավալվել են տեխնիկական հարցերի շուրջ: «Ժամանակի մեծ մասը տրամադրվել է լրատվամիջոցների ներկայացրած դիմումների, ինչպես նաև ՍԴ նախագահի և փոխնախագահի բաց և փակ կարգով ընտրության քննարկմանը»,- մեկնաբանել է Շաթիրյանը: Ավելի վաղ, լրատվամիջոցները դիմումներ էին ներկայացրել լուսաբանման վերաբերյալ, որոնք, Շաթիրյանի մեկնաբանմամբ, մերժվել են: Շաթիրյանը նշել է, որ նիստին ներկա են եղել ՍԴ բոլոր դատավորները: Աշխատակարգային նիստը կշարունակվի վաղը` ժամը 11:00-ից:
Իսկ ՍԴ դատավոր Հրայր Թովմասյանը, լրագրողների հարցերին չպատասխանելով, հեռացել է:
Մանրամասները՝ տեսանյութում:
Տեսանյութը՝ News.am լրատվականից:
Աղբյուր՝ AntiFake.am