Ցանկացած պատրվակով ԱՄՆ-ի և ՆԱՏՕ-ի ռազմական ենթակառուցվածքի օբյեկտների վերադարձը Աֆղանստան և հարևան երկրներ կտրականապես անընդունելի է: Նման հայտարարություն է արել ՌԴ Անվտանգության խորհրդի քարտուղար Նիկոլայ Պատրուշևը։ Այդ մասին «Արմենպրես»-ը տեղեկանում Է «РИА Новости» գործակալությունից:
Նա վստահություն է հայտնել, որ Վաշինգտոնը և նրա դաշնակիցները, որոնք պատասխանատու են իրենց զորակազմի դուրսբերումից հետո Աֆղանստանում ստեղծված ծանր դրության համար, պետք է ստանձնեն Աֆղանստանի տնտեսության հետկոնֆլիկտային վերականգնման հիմնական ֆինանսական ծախսերը։
«Միևնույն ժամանակ մենք կտրականապես անընդունելի ենք համարում ցանկացած ձևով և ցանկացած պատրվակով ԱՄՆ-ի և ՆԱՏՕ-ի ռազմական ենթակառուցվածքի օբյեկտների վերադարձը տարածաշրջան, այդ թվում՝ Աֆղանստանի հարևան երկրներ», - ասել է Պատրուշևը ՇՀԿ-ի երկրների անվտանգության խորհուրդների քարտուղարների հանդիպման ժամանակ, որը չորեքշաբթի օրը տեղի Է ունեցել Նյու Դելիում:
%20(1280%20%C3%97%20300%20px).png)
Աղբյուր՝ AntiFake.am