Հունիսի 17-ին, «Քաղաքացիական գիտակցություն» ազատական հասարակական կազմակերպության և AntiFake.am փաստերի ստուգման և տեղեկատվության տրամադրման հարթակի նախաձեռնությամբ տեղի է ունեցել խորհրդանշական բողոքի ակցիա ՀՀ նախագահի նստավայրի դիմաց` #Anti_Fake_President խորագրով:
Բողոքի ակցիայի նպատակն էր ՀՀ քաղաքացիների ուշադրությունը հրավիրել այն հանգամանքի վրա, որ Հանրապետության նախագահ Արմեն Սարգսյանը չի իրականացնում իրեն Սահմանադրությամբ վերապահված գործառույթները: Մասնավորապես, նախագահը չի հետևում Սահմանադրության պահպանմանը:
Ակցիայի մասնակիցները ակցիայի ընթացքում բաժանեցին թռուցիկներ Երևանի կենտրոնում, ապա Բաղրամյան 1 հասցեից քայլերթ կատարեցին դեպի ՀՀ նախագահի նստավայր, որտեղ բաժանեցին պաղպաղակներ, ցույց տալու համար, որ նախագահի գործառույթների մեջ պաղպաղակ բաժանելը չի մտնում։ Խորհրդանշական ակցիան ամփոփվեց #Anti_Fake_PRESIDENT գրությամբ փուչիկները օդ բաց թողնելով և Արմեն Սարգսյանին «Կիսամյակային լավագույն Fake գործիչ» անվանակարգում հավաստագիր շնորհելով։
Մանրամասները՝ տեսանյութում։
Հոդվածի ռուսերեն տարբերակը: