ԵԱՏՄ շրջանակներում համագործակցությունը մեծ հաջողությամբ է առաջ ընթանում։ Եվրասիական տնտեսական բարձրագույն խորհրդի նիստի բացման խոսքում նշեց ՌԴ նախագահ Վլադիմիր Պուտինը։ Նա հատուկ շեշտել է, որ Հայաստանում տնտեսության զարգացման տեմպն ամենաբարձր է։
«Ինչպես ճիշտ նկատեց Ղազախստանի նախագահը` այս հարցում գլխավոր շահառուն Հայաստանն է, որտեղ տնտեսության զարգացման տեմպերն ամենաբարձրն են»,– ասաց ՌԴ նախագահն ու խնդրեց ՀՀ վարչապետ Նիկոլ Փաշինյանին թվերով խոսել տնտեսության զարգացման տեմպերի մասին։
Պուտինը ճշտել է թվերը ՀՀ վարչապետ Նիկոլ Փաշինյանի հետ։ Ի պատասխան՝ Փաշինյանն ասել է, որ նախորդ տարի աճը եղել է 12,6, իսկ այս տարի, եթե չի սխալվում, 12,1 %։
«Երկրի ՀՆԱ-ի 2,1 տոկոս աճ, դա, իհարկե, լուրջ, շատ լուրջ ցուցանիշ է»,- ասել է Պուտինը։
Նա հավելել է, որ Ռուսաստանը բարձր է գնահատում ԵԱՏՄ անդամ բոլոր երկրների հետ սերտ գործընկերությունը, որը հետևողականորեն կառուցված է փոխշահավետության, հարգանքի և միմյանց շահերը հաշվի առնելու սկզբունքների վրա։