Հունիսի 24-ին Սահմանադրական դատարանի մոտ տեղի ունեցած շտապ հավաքի ընթացքում՝ պատասխանելով լրագրողների այն հարցին, թե Դուք նշում եք, որ նրանք են պատվերներ կատարում, նրանք էլ հակառակն են նշում ձեր մասին, «Քաղաքացիական գիտակցություն» ազատական ՀԿ նախագահ Նարեկ Սամսոնյանը պատասխանել է.
«Ովքե՞ր են ասում, որ պատվեր ենք կատարում, այն մարդիկ, ովքեր այստե՞ղ են գալիս: Այդ մարդիկ Նիկոլ Փաշինյանի քաղաքական թիմի ներկայացուցիչներն են ըստ էության՝ տեռորիստական «Սասնա Ծռերի» կողմնակիցներն են, Վարդգես Գասպարին է։ Այսինքն՝ մենք ինչ ենք ասում, մենք ասում ենք, որ այս մարդիկ այդ մարդու հրահանգն ու քաղաքական կամքն են կատարում, այդտեղ պատվերի խնդիր չկա: Բայց մեզ պատվերի մեջ մեղադրելը իրենց գործելաոճն է: ՈԻ՞մ պատվերն ենք կատարում: Այո՛, կատարում ենք պատվեր, այդ պատվերը ՀՀ Սահմանադրության կողմից է մեզ տրված, մենք կատարում ենք սահմանադրական պատվեր: Իսկ իրենք թող մտածեն՝ ում պատվերն են կատարում: Լուրջ չի դրանց անկեղծ պատասխանելը, ի՞նչ պատասխանես»: