ՀՀ ԱԺ «Իմ քայլը» խմբակցության պատգամավոր Արփինե Դավոյանը բարձրաստիճան պաշտոնատար անձանց էթիկայի հանձնաժողով է ներկայացրել երկու հայտարարագիր:
Արփինե Դավոյանը մինչև ՀՀ ԱԺ պատգամավոր ընտրվելը 2018 թվականի հունիսի 8-ին ստանձնել է ՀՀ վարչապետ Նիկոլ Փաշինյանի օգնականի պաշտոնը։
Այդ պաշտոնը զբաղեցնելու հայտարարագրում Դավոյանի դրամական միջոցները պաշտոնը ստանձնելու օրվա դրությամբ կազմել են շուրջ 160,000 ՀՀ դրամ:
Հունվարի 1-ից մինչև պաշտոնական պարտականություններն ստանձնելու օրն ստացված եկամուտները կազմել են շուրջ 580,000 ՀՀ դրամ:
Բարձրաստիճան անձանց էթիկայի հանձնաժողով ներկայացրած մյուս՝ պաշտոնատար անձի տարեկան հայտարարագրում Արփինե Դավոյանի դրամական միջոցները հարկային տարվա սկզբում կազմել են շուրջ 160,000 ՀՀ դրամ, իսկ հարկային տարվա վերջում՝ 1,500,000 ՀՀ դրամ:
Այսինքն Արփինե Դավոյանի դրամական միջոցները հարկային տարվա ընթացքում ավելացել են 831 %-ով կամ 9,3 անգամ։
Դավոյանի եկամուտները հարկային տարում կազմել են շուրջ 6,600,000 ՀՀ դրամ:
Արփինե Դավոյանի եկամուտները ՀՀ վարչապետ Նիկոլ Փաշինյանի օգնականի պաշտոնը ստանձնելու ընթացքում ավելացել են շուրջ 1000 %-ով կամ 11,4 անգամ։
Հոդվածի ռուսերեն տարբերակը:
Հեղինակ՝ Մարի Ավագյան